Page Title

अनुराग गेला आणि पैशाचं झाड चा जन्म झाला ..... सन २००९ साली माझा अनुराग हा पहिला मुलगा वारला . सुरुवातीला त्याची आठवण म्हणून झाड लावण्याची इच्छा होती .परंतु मी अनुराग प्रकाशन तयार केले .

समाजात आर्थिक साक्षरतेचा प्रसार करण्यासाठी पैशाचं झाड पुस्तक लिहीण्याचे ठरवले . पुस्तकाचे एकही अक्षर लिहीले नव्हते त्यावेळी पैशाचं झाडचा लेखक रविंद्र कदम असे आयडेंटी कार्ड तयार करून १००० लोकांना वाटले . कार्डवर अग्नीतून उठून पेटलेल्या अवस्थेत आकाशाकडे झेप घेणाऱ्या फिनीक्स पक्षाचे चित्र छापले .जून २०१२ साली प्रत्यक्ष पैशाचं झाड हे पुस्तक अनुराग प्रकाशनच्या माध्यमातून प्रकाशित केले .

आर्थिक साक्षरतेवर "सोनं चांदी गुंतवणूक" पुस्तक प्रकाशित झालं .

समृध्दीचा जन्म झाला होता . माझ्यासारख्या अग्नीतून उठून पेटलेल्या फीनीक्सप्रमाणे आकाशाकडे झेपावणाऱ्या तरूणापुढे समृध्दीचे अंध, अपंग आणि मतीमंद असण्याचे चॅलेंज उभे राहिले .

संत तुकाराम आणि चार्वाक हे दोन जीवलग मित्र पुस्तकांच्या रूपात भेटले . त्यांनी मला मानसिक आधार दिला आणि सन २०१५ साली आनंदाचे सिक्रेट ... आनंदवेल हे पुस्तक प्रकाशित केले .

अर्थसमृध्दी प्रकाशनची पायाभरणी झाली . अर्थसमृध्दी मधील समृद्धी हे नाव माझ्या मूलीचे आहे . अर्थ हा शब्द संत तुकारामांच्या अभंगातील आहे .